SOCAR-da işə qəbul müsabiqə yolu ilə həyata keçirilir. Müsabiqə çərçivəsində SOCAR-ın elan olunmuş vakansiyalarına müraciət etmək istəyən vətəndaş socar.az saytının müvafiq bölməsində qeydiyyatdan keçərək namizəd profili yaradıb, vakansiyaya müraciət edə bilər.

Müraciətlərin ilkin seçimi vakansiyaya müraciət edən namizədin kvalifikasiya göstəricilərinin vakansiyanın təsviri formasında qeyd olunan işə qəbul tələblərinə uyğunluğunun yoxlanması prosesidir. İlkin seçim prosesi namizəd profilində qeyd olunan məlumatlara istinadən həyata keçirildiyindən namizədin müvafiq məlumatları tam və dolğun əhatə olunmalıdır.

Test tapşırıqlarının cavablandırılmasına ayrılan vaxtı imtahanın istiqamətindən asılı olaraq təyin edirik. Namizədin imtahan nəticələrini bal sistemi tətbiq edilməklə qiymətləndiririk. Qapalı tipli test tapşırıqlarının hər birinin doğru cavablandırılması 1 balla, yanlış cavablandırılması və ya cavablandırılmaması 0 balla dəyərləndiririk.

SOCAR olaraq yekun seçim mərhələsini vakansiyasının xüsusiyyətlərindən asılı olaraq müsahibə və ya peşə sınaq imtahanı formatında həyata keçiririk. Yekun seçim mərhələsini namizədin sahə üzrə bilik və bacarıqlarının və davranış səriştələrinin vakansiyanın tələblərinə, həmçinin şirkətin korporativ ruhuna və dəyərlərinə uyğunluğunu yoxlamaq məqsədi ilə təşkil edirik.

Yekunda seçim mərhələsindən müvəffəqiyyətlə keçən işçilərlə əmək münasibətlərini rəsmiləşdirmə prosesinə başlayırıq. Bunun üçün işçinin təqdim etdiyi sənədlərin əsli ilə uyğunluğunu yoxlayır və qanunvericiliklə müəyyən olunmuş qaydada tərəflər arasında əmək müqaviləsi və şirkətdaxili əmr ilə rəsmiləşdiririk.